Vit hava lagt fleiri nýggjar myndarøðir út undir "Myndasavn"
M.a. eru myndir av ymsum sjósniglum, ið froskmenn hava latið okkum.
Hesir eru tíverri deyðir nú, men onkur nýggjur er komin ístaðin.
Frá fyritøkuni Royalpressphoto hava vit fingið myndir frá vitjanini
hjá Heindriki prinsi á Sjósavninum á sumri í 2010.
24. feb. 2011, hava vit lagt út eina røð, ið vísir, tá Bjørki fóðrar fiskin.
Ofta spyrja fólk, ið koma at vitja, um tey kunnu síggja, tá vit fóðra fiskin.
Hetta ber tíverri ikki altíð til.
Fyrst tí at fóðra verður bert 2 ferðir um vikuna, har fiskurin etur seg mettan.
Fóðrið verður goymt fryst og skal takast fram dagin fyri.
Tá fóðra verður, er slík rokan í kørunum, at vatnið blívur heilt grumsut.
Tó gera vit tað, at tá skúlaflokkar o.o. koma at vitja eftir avtalu,
plaga vit at fóðra eitt sindur, so tey síggja, hvussu fiskurin etur.
Hesar báðar myndirnar eru úr myndarøðini:
__
Bjørki klippur her sporlið á hvítingsbróður í smærri petti.
Multur dáma væl smáar bitar.
Fiskurin verður fóðraður við hvítingsbróður ella høgguslokki. Onkuntíð nebbasild.
______________________________
Nú ber til at keypa sær árskort til Sjósavnið
Tey, ið ofta ynskja at vitja Sjósavnið, hava nú møguleika
at ogna sær eitt árskort, ið er galdandi í 1 ár frá keypsdegi.
Kostnaður fyri vaksin (15 ár og eldri) er kr. 100
Børn 5-14 ár gjalda kr. 50
Limir í STROK-klubbanum fáa harumframt 25% í avsláttri.
Tey, ið ynskja at keypa árskort, skulu senda eitt teldubræv
við navni og bústaði + eini mynd til sjosavn@gmail.com
Peningin skulu tit flyta á konto 6460-1730039
Tit fáa so teldubræv aftur, ið er eitt fyribils árskort.
Tá tit so koma at vitja, fáa tit rætta árskortið.
Møguleiki er eisini at biðja um árskort, tá tit koma at vitja.
So kann gjaldast kontant - og tit hava antin eina mynd við,
ella vit taka eina mynd av tykkum her á Sjósavninum.
Vónandi fær onkur gleði av hesum møguleika.
Magnus Heinason og pápin, Heini Magnussen, vóru teir fyrstu
at keypa sær árskortið frá Sjósavninum.
______________________________
Savnsfagnaður 2010 var sera væl vitjaður
So er savnsfagnaðarvikan farin, og sigast kann ikki annað enn,
at undirtøkan var góð.
Frá mánadag til fríggjadag vitjaðu 1811 fólk - í mun til 1289 í fjør.
Seinnu vikuna (18.-22. okt.) vóru so skúlaflokkar (4.-6. fl.) á savnsfagnaðarvitjan.
Avbera gott veður var hesar dagarnar í heystfrítíðini
Børnunum dámdi best at fiska í krabbakarinum
Nógv fólk var allan dagin og vitjaði
Myndirnar hjá Hans Eli Sivertsen eru eisini áhugaverdar
Røri-karið er eisini væl dámt
Børnunum dáma eisini væl at lita og tekna
Hesir báðir hugdu at steinbítinum
Savnsfagnaður á Føroya Sjósavni 2010
______________________________
